Home / செய்திகள் / இந்திய செய்திகள் / 200 கோடி ரூபா பெறுமதியான போதை பொருள் கடத்திய இளைஞன் கைது !!

200 கோடி ரூபா பெறுமதியான போதை பொருள் கடத்திய இளைஞன் கைது !!

கேரள மாநிலம் கண்ணூர் மாவட்டம் கடம்பூரை சேர்ந்தவர் பிரசாந்தகுமார் (வயது 32). இவர் சென்னையில் வசித்து வருகிறார்.

சென்னையில் இருந்து தனியார் கூரியர் சர்வீஸ் மூலம் கொச்சிக்கு துணி பண்டல்களை பொதி செய்தார்.

கொச்சிக்கு பொதி சென்றதும் அங்கு வந்து பொதிகளை பெற்றுக்கொண்ட பிரசாந்தகுமார் அவைகளை மலேசியாவுக்கு அனுப்ப வேறொரு பொதியை கூரியரை அணுகினார்.

அப்போது பொதி ஊழியருக்கு சந்தேகம் ஏற்பட்டது. சென்னையில் இருந்து நேரடியாக மலேசியாவுக்கு பொதிகளை அனுப்பலாமே? ஏன் சென்னையில் இருந்து இங்கு கொண்டு வந்து, இங்கிருந்து மலேசியாவுக்கு பொதிகளை அனுப்ப வேண்டும் என்று கேட்டார். அதற்கு பிரசாந்தகுமார் முறையாக பதில் கூறவில்லை.

இதனை அடுத்து கூரியர் ஊழியர் எர்ணாகுளம் மதுவிலக்கு பொலிஸாருக்கு தகவல் தெரிவித்தார். அவர்கள் சம்பவ இடத்துக்கு வந்து குறிப்பிட்ட பொதிகளை பிரித்து பார்த்தபோது 200 கோடி ரூபா மதிப்புள்ள 32 கிலோ மெத்தடின் என்ற போதை பொருள் இருந்தது. இதனை அடுத்து பிரசாந்தகுமார் தலைமறைவனார்.

அவரை கேரள பொலிஸா தேடி வந்தனர். இந்நிலையில் சென்னையில் வைத்து பிரசாந்தகுமாரை கேரள பொலிஸார் கைது செய்தனர். பறிமுதல் செய்யப்பட்ட போதை பொருள் குறித்து அவரிடம் விசாரணை நடத்தி வருகிறார்கள்.

Leave a Reply

Your email address will not be published. Required fields are marked *

%d bloggers like this: